Contact us at (800) USC-CARE (800-872-2273)

Cardiac and Vascular Institute

Cardiac and Vascular Institute2021-05-25T12:05:13+00:00

Նորարարական սրտային խնամք. USC սիրտանոթային կրծքային ինստիտուտ

Լոս Անջելեսի USC Keck բժշկական կենտրոնի սիրտանոթային կրծքային ինստիտուտն առաջարկում է սիրտանոթային և կրծքային հիվանդությունների բուժման մի շարք ծառայություններ: Մենք առաջատարներ ենք նորարարական մեթոդների և բուժումների ոլորտում՝ ներառյալ նոր տեխնոլոգիաները, նորարարական ռոբոտային թերապիաները և սրտի փականի վերանորոգումն ու փոխպատվաստումը: Կարդալ ավելին.

Read More »


2006թ-ից ի վեր USC սիրտանոթային կրծքային ինստիտուտը միավորել է աշխարհի լավագույն կրծքավանդակային վիրաբույժներին, անոթային վիրաբույժներին, սրտաբաններին, անեսթեզիոլոգներին, բուժանձնակազմին և այլ մասնագետների: Ավելի քան 200 մասնագետներից բաղկացած մեր թիմը շարունակում է ընդարձակել բուժման սահմանները՝ ուսումնասիրություններ կատարելով նոր բուժումներ և թերապիաներ ստեղծելու և զարգացնելու ուղղությամբ:

Մեր թիմն աշխատում է միասին, որպեսզի յուրաքանչյուր հիվանդի համար բազմակողմանի ծրագիր մշակի՝ սկսած ախտորոշումից և բուժումից, վերջացրած հաջորդող այցերով: Մենք սկսում ենք լավագույն զննումներից և ախտորոշման թեստերից, որպեսզի համոզվենք, որ ունենք յուրաքանչյուր հիվանդության ամբողջական և ճշգրիտ գնահատականը: Հաջորդիվ, մենք որոշում ենք հիվանդի հիվանդությանը և կենսակերպին համապատասխան բուժման լավագույն կուրսը: Մենք առաջարկում ենք առաջադեմ առանց միջամտության թերապիաներ, նվազագույն միջամտությամբ բուժումներ, ռոբոտի օժանդակությամբ անցկացվող ընթացակարգեր, ավանդական վիրահատություններ և ամբողջական փոխպատվաստման վիրահաըություններ:

10 մասնագիտացված կենտրոններ

USC սիրտանոթային կրծքային ինստիտուտը ներառում է 10 մասնագիտացված կենտրոններ: Շնորհիվ մեր միջդիսցիպլինար բազմակողմանի խնամքի մոդելի մեր բժիշկները սերտորեն համագործակցում են այլ կենտրոնների և ծրագրերի կոլեգաների հետ, որպեսզի յուրաքանչյուր հիվանդի համար որոշեն բուժման ամենահարմար ձևը:

Աորտալ բազմակողմանի կենտրոն

Մենք առաջատար խնամք ենք առաջարկում աորտալ բոլոր տեսակների հիվանդությունների համար՝ ներառյալ անեվրիզման, պատռվածքը և ժառանգական խախտումները: Մենք մասնագիտացած ենք առաջատար դիագնոստիկ զննման, խորհրդատվության և վիրահատական կամ ներանոթային թերապիաների մեջ: Մենք նաև առաջարկում ենք արագ արձագանքման հատուկ ծրագիր, որը դեպի մեր հիվանդանոց շտապ օգնության փոխադրում է տրամադրում այն հիվանդների համար, ովքեր աորտալ անհետաձգելի բարդության առաջ են կանգնած:

Մեծահասակների բնածին սրտի արատի կենտրոն

Մենք առաջարկում ենք ամբողջական կլինիկական և վիրահատական խնամք այն հիվանդներին, ովքեր բնածին սրտի արատ ունեն, ներառյալ՝ սրտի փականի շեղում, առիթմիա, նախասրտի միջնապատի թերություն, նախասիրտ-փորոքային ուղու թերություն, աորտայի կոարկտացիա, սրտի արատ, թոքային հիպերտենզիա, միափորոքություն, Ֆալլոյի քառանշան, մեծ զարկերակների փոխատեղում և միջփորոքային միջնապատի թերություն:

Առաջնային սրտի արատի կենտրոն

Մենք հայտնի ենք նորարարական սրտի վիրահատությունների, սրտի փոխպատվաստման և մեխանիկական շրջանառության աջակցության ոլորտներում մեր փորձի շնորհիվ: Մեր մասնագետները բուժում են սրտի արատից և կարդիոմիոպատիայից տառապող հիվանդներին՝ միաժամանակ անցկացնելով կլինիկական մի քանի փորձեր նոր տեղնիկա զարգացնելու համար:

Նախասրտերի ֆիբրիլյացիայի համակողմանի բուժման կենտրոն

Մասնագետների մեր թիմը կենտրոնանում է սրտի ռիթմի շեղումների ախտորոշման և բուժման վրա՝ կիրառելով վերջին տեխնոլոգիաները և բուժանձնակազմի, սրտաբանների, սրտի էլեկտրաֆիզիոլոգների և սրտի վիրաբույժների սերտ համագործակցությունը: Մենք առաջարկում ենք նորարարական 3D քարտեզավորում և ներսրտային ուլտրաձայնային հետազոտություն, նվազագույն միջամտությամբ վիրահատական գործընթացներ, համատեղված ներսրտային և մակասրտային մոտեցումներ, բուժում դեղամիջոցներով և առիթմիայի անլար դիտարկում:

Անոթային խնամքի կենտրոն

Մենք մասնագիտացած ենք անոթային հիվանդությունների բազմակողմանի խնամքի մեջ և կիրառում ենք կանխարգելիչ ծառայություններ, ախտորոշիչ հետազոտություն, նվազագույն միջամտությամբ մականոթային և ավանդական վիրահատական գործընթացներ:

Էլեկտրոֆիզիոլոգիայի ծրագիր

Մենք նախընտրում ենք համակողմանի խնամք, որը դանդաղեցնում է հիվանդության առաջխաղացումը, երկարեցնում և բարելավում է կյանքի որակը: Որպես սրտի արատի և առիթմիայի բուժման ոլորտի առաջատարներ՝ մենք առաջարկում ենք մասնագիտացված ախտորոշում և շատ շեղումներ կարող ենք բուժել առանց վիրահատության, դեղամիջոցների թերապիայի և էլեկտրաֆիզիոլոգիական խթանման միջոցով:

Սրտի փոխպատվաստման ծրագիր

Որպես սրտի փոպպատվաստման աշխարհահռչակ առաջատար և նորարար՝ մենք իրականացնում ենք վիրահատությունների մի ամբողջ շարք, ինչպիսիք են պսակաձև զարկերակի հիվանդությունն ու առիթմիան: Արևմտյան ափին մենք այն եզակի կենտրոններից ենք, որն առաջարկում է ձախ փորոքային աջակցման սարքը և այլ սարքեր, որոնք կարող են հիվանդին օգնել մինչև փոխպատվաստումը:

Թոքի փոխպատվաստման ծրագի

Մենք ճանաչված ենք որպես առաջատար թոքերի փոխպատվաստման ոլորտում՝ բուժելով բրոնխոէկտազ, կիստային ֆիբրոզ, էմֆիզեմա, թոքային ֆիբրոզ և թոքային հիպերտենզիա: Ի հավելումն, կենսականորեն կարևոր բլթակային փոխպատվաստումը զարգացվել է USC-ի Keck հիվանդանոցում՝ բուժման նոր հնարավորություն տալով ծայրահեղ վիճակում գտնվող հիվանդներին:

Կանանց սիրտանոթային կենտրոն

Մեր առաքելությունն է կանանց շրջանում բարելավել համակողմանի սրտային խնամքը՝ կանխարգելելով և բուժելով սրտային հիվանդությունների մի ողջ շարք: Մեր անձնակազմն առաջարկում է նորարարական թերապիաներ, որոնք երկարեցնում են սրտի հիվանդությամբ, հիպերթենզիայով, բարձր քոլեստերինով, փականի հիվանդությամբ, պսակաձև զարկերակի հիվանդությամբ, սրտի արատով և առիթմիայով տառապող կանանց կյանքը:

Մարմինը համակարգող կենտրոն

Նորարարական այս կենտրոնը միավորում է թվային և կենսական գիտությունների մասնագետներին տարբեր ոլորտներից՝ ներառյալ շատ տեխնոլոգների, որոնք նվիրված են անհատականացված թվային բժշկական ապրանքների և ծառայությունների զարգացմանը: Մենք համագործակցում ենք բազմաթիվ ընկերությունների հետ, որպեսզի լուծենք թվային բժշկական ապրանքները շուկա ներմուծելու տեխնոլոգիական և կարգավորիչ խնդիրները:

Contact us at (800) USC-CARE (800-872-2273)

Լոս Անջելեսի շրջանի տեղամասերը

Մենք բուժում ենք մեր հիվանդներին USC ցանցի Keck բշժկական կենտրոնի ներքոնշյալ հասցեներով:

Եթե ճանապարհորդում եք Միացյալ Նահանգներից դուրս, USC միջազգային առողջության անձնակազմը կարող է ձեզ և ձեր ընտանիքին աջակցել ճանապարհորդության և կացարանի, հիվանդների պաշտպանության հարցերում և օգնել առողջական խնամքի գործընթացի ուղղորդման մեջ: Իմանալ ավելին USC International Health-ի մասին:

Keck Medicine of USC
Univeristy of Southern California
Keck Medicine of USC
Keck Medicine of USC
Keck Medicine of USC is the University of Southern California’s medical enterprise, one of only two university-owned academic medical centers in the Los Angeles area.